特拉福买家俱乐部小说 this 求而不得 (2 / 7)

        坚哥冷笑道：“六国大封相，如果唔系出面十几个差佬系度睇住，荷兰仔斩人都似！”

        “呢期荷兰仔最红啦。”七叔似笑非笑道：“饭饭都掂，又识得孝敬我地啲老叔父。今次白头坤呢个扑街仔踩过界唔单止，仲搵人搞距老婆，又系过分左啲。”

        坚哥道：“荷兰仔同白头坤争做‘话事’，外面七国咁乱，好几个老叔父睇嚟要坐唔住……七叔，白头坤系跟你出身嘅，今日荷兰仔够胆死上嚟搵你，摆明就系当你透明，要唔要我……”

        坚哥做了个抹脖子的动作。

        “怼左荷兰仔对我地有咩好处？”七叔摇摇头，“呢几年啲生意越嚟越难做。如果唔系荷兰仔系欧洲果边搭线，同外国佬合作洗黑钱，唔通你叫我七老八十，仲要去果栏卖榴莲咩？”

        “但系……”

        “我知道你点冧，不过荷兰仔今次嘅‘话事’肯定做硬。”七叔叹了口气，“江湖事，江湖了。今次白头坤出卖兄弟，就算距系跟我出身，我都帮唔落……咁啦，你同荷兰仔讲，距同白头坤嘅事，我唔会理会，只要做得好好睇睇，唔好有咩手尾跟就ok。”

        “我知道点做。”坚哥点了点头，然后看了看楼梯口处，忽然坐了下来，靠近七叔，低声道：“咁…奥门果边？”

        “何生果边点讲？”七叔目光微凝。

        坚哥低声道：“何生话距早就有人选，今次唔打算用kg少。”

        “呢条老狐狸。”七叔轻哼一声，“以为无左距，我就唔掂？”

        坚哥无奈道：“但系如果无何生支持，我地好难挪到参赛资格。”

        七叔淡然道：“你唔使担心，我早就搵定后路。下个月你带啊kg去一次马来西亚，我同果边嘅赌场倾好坐，啊kg会代表果边出战今次嘅‘赌术大赛’。听讲话今次系英国果边举办，如果时间赶，你就唔好翻嚟，直接过去。”

        “好。”坚哥点了点头。

        七叔眯着眼道：“吃粥吃饭，就睇呢次。”

  The content is not finished, continue reading on the next page